Upplýsingafölsun Hlustunarpartý + Kvikmyndaljóð Þverstæða

Sérdeilis spennandi dagskrá þar sem fléttast saman hljóðverk eftir hljóð – og myndlistarmanninn Joe Banks og margvísleg kvikmyndaljóð sem varpað verður á vegg Mengis. VIð sögu koma meðal annars Schubert og T.S. Eliot, Dolce og Gabbana, mexíkósk ljóðskáld og seigfljótandi hljóð utan úr geimnum. Að baki hlustunarpartýinu stendur enski hljóð og myndlistarmaðurinn Joe Banks sem hefur starfað undir nafninu Disinformation frá árinu 1995 og skapað hljóðverk, hljóðinnsetningar og vídeóverk. Hann hefur gefið út rómaðar plötur á vegum útgáfufyrirtækisins Ash International (systurútgáfu Touch Records), Iris Light og Adaadat Records og haldið fjölda einkasýninga. Í Mengi býður hann upp á verk sem byggja á upptökum stuttbylgjuútvarpa af segulstormum sem myndast vegna kórónugoss eða kórónuskvettu en svo nefnist það þegar gríðarstórar gasbólur springa út frá kórónu sólar.

PoetryFilm var stofnað af sýningastjóranum og listamanninum Zata Banks árið 2002. PoetryFilm Paradox er klukkustunda löng dagskrá með stuttmyndum sem eiga það sammerkt að rannsaka og velta fyrir sér margvíslegum birtingarmyndum ástarinnar, erótík, rómantík og væntumþykju. Myndirnar eru þrettán talsins – þar á meðal er stuttmynd eftir Kate Jessop þar sem við sögu koma hjartnæm bréfaskipti hönnuðanna Domenico Dolce og Stefano Gabbana, kvikmyndafantasía Bruno Teixidor sem byggir á ljóði eftir mexíkóska rithöfundinn og þýðandann Tomas Segovia, táknmálsmynd eftir Brooke Griffin sem byggir á ljóðum Raymond Luczak, kvikmynd Stuart Pound sem byggir á ljóðasöngnum “Die Nebensonnen” úr Vetrarferð Franz Schuberts og Wilhelm Müller, myndræn túlkun Martin Pickles og Mikey Georgeson á ljóði T.S. Eliot “Love Song of J. Alfred Prufrock”, stuttmyndin “Fucking Him” eftir listamennina C. O. Moed & Adrian Garcia Gomez, og “447: Intellect – N” eftir Jane Glennie.

Mengi, Reykjavik, 10 March 2016
2,000 ISK, starts at 9pm sharp
Viðburðurinn hefst klukkan 21
Miðaverð 2000 krónur

Mengi, Óðinsgata 2
Reykjavik 101
Iceland

The Disinformation Listening Party focusses on shortwave radio recordings of so-called “Type II” (slow-drift) noise storms – interstellar shock-waves produced by coronal mass ejections from the surface of the sun (first published in 1996).